Tuesday, August 14, 2007

ليـــــــــــــــــــه .. ؟؟؟

هذا هو اللي تبيه .. ؟
اني أرحل من حياتك وأشعل عيوني بليــــه بس خلاص هذا هو اللي قدرته !! وقدّرك ربي عليه
ابذمّتك هذا كلام ..؟ اني أرجع من جديد .. أرجع أفرش كل تعب عمري وأنام
هذا هو اللي تبيه ؟ وهذا هو اللي قدرته وقدّرك ربي عليه ..؟
اني أرحل من حياتك وأشعل عيوني بليــــه
بس خلاص..؟؟
ابذمّتك هذا كلام اني أرجع من جديد أرجع أفرش كل تعب عمري وأنام
!!..زين لحظه
لا اسألوني الناس وينك ؟ وان دروا ضحكة عيونك عن عيوني سافرت ردت لعينك
ابذمّتك قول وش أقول .. قول قول ........ قول قول ... الله يخرب بيت بيتك
توني يا دوبي بديت ,, بعت عمري واشتريتك ,, خطوه .. خطوه واشتريت
توني بأطراف البدايه ,, مدري وشلون انتهيت
ياخي حس .. والله عيب اللي تبيه .. اني أرحل من حياتك وأشعل عيوني بليـــــه
لا جبينك شمس واحساسك مطر .. لا عيونك شوق وشعورك دفى
جبت لك بيدي ابتسامات العمر .. ليــــه تكسرها على أطراف الشفى
شوف .. شوف بعثرني احتياجي بالنظر .. شوف وجهي امتلى منك اب أفــــــــى
ما تجي منك ولكن يا بشر .. منت أول من طعني بالجفى
أبرك أدفن كل جروحي بالسهر .. ولا أفّكر من ورى قلبك شفى
ول يا قلبك ما يجيب الا القهر .. ول يا عمرك ما عرف طعم الوفى
والا أنا مثل النهر أبقى نهر .. من تحوسه ترجع تشوفه صفى
فيني والله احساس لا منه ظهر .. يشعل ضلوعك اذا قلبك طفى
هذا هو اللي تبيه .. وهذا هو اللي قدرته وقدّرك ربي عليه
ابذمّتك هذا كلام اني ارجع من جديد أرجع أفرش كل تعب عمري وانام
وين أروح .. شلون أجيب لقلبي المجروح ... روح هذا هو اللي تبيه
.........................................
نعم بالضبط
مثل ما كنت أنا أتوقع علي صرتي .. قلبتي صفحة الجرح الأخير وانتهى عمري
فتحتي ستارة الاحساس ومثّلتي و أبدعتي
وشعوري كان لك جمهور .. وأسدلتي الستار بدمع من عيني وطفت عيني
وقبل تمشين .. صفّقتي .. صفّقتي .. صفّقتي
.............................................
من قصائد : سالم سيّار

22 comments:

hamdool said...

Great post ..
keep it up w inshalla
el yay a7la :)

ZoZOta said...

يوسف

عجبتني القصيده

ذوقك رائع


بس عندي ملاحظة صغيره

الخط ذبحنى وايد صغير ومو واضح

:)

::heba:: said...

سالم السيار شاعر مميز
كلماته قويه وتبقى بالقلب..

يعطيك العافيه على النقل المميز

اكثر ما يؤلمنا كبشر
تلك الجروح الغائره ومايزيد ألم تلك الجراح...طلبهم لمعاوده القصه وكأن شي لم يكن...

والا انا مثل النهر
ابقى نهر....
من تحوسه ترجع تشوفه صفى....

كلمات قمه :)

U_SF said...

hamdool
Thanks For passing by ^_^



ZoZOta
تسلمين اختي زوزوتا ذوقج الأروع ^_^
الخط الله ايسلمج انتي تتحكمين فيه تحت بالزاويه عاليمين كبري وصغري على كيفج .. : ))

مشكوره عالملاحظه يدتي زوزوتا :pPp~


::heba::

اهو سالم سيّار بدون ال ^_^

الله يعافييج

صدقتي يا هبه معاودتهم والاستمرار بالقصه وعدم وضع نهايه لها هي الجرح الأكبر .. هل قلت الجرح .. بل هي الموت الأكبر..


مرورج يا هبه هو القمه فكوني بخير : )

Kuw_Son said...

حركات يا بو بدر :)

KeChie-ChaN said...

الجرح يأتينا بالألم..
و الألم يبقينا أحياء !!

الله يكون بالعون =)

محـــــارة said...

ماتتصور سعادتي أنك فعلا مريت على مدونتي وعقبت فيها من جذي سهلت لي أوصل لكتاباتك القمه بالأحساس والإبداع وحتى أختياراتك

ما أعتقد تكفي كلمة مبدع لكن كلماتي الباجيه أخذلتني واااصل أوعدك راح اكون متابعه دائما لكل مايخطه قلمك أخوي

الله يوفقك

Zi-One said...

a7laa she3er ketaaabtah bel blog ;)

U_SF said...

Kuw_Son
^_^



KeChie-ChaN
صحيح اختي سيما الألم يبقينا أحياء
بس ساعات الألم من شدته يقتل ...

شكراً على مرورج واهتمامج ^_^

دمتي بخير



محـــــارة
والله ما أدري شقول لج اختي محارة
بس كلامج خجّلني صراحه واذا على قولتج
قمة بالاحساس .. فإنتي ما عرفتي انها قمه بالاحساس الا لأنج الاحساس نفسه ^_^

يكفيني مرورج الطيب والله

اللهم امين ويوفقج انتي بعد ويسهّل عليج دروبج انشالله




Zi-One said
أحلى مره مريتي فيها ^_^

الله يحفظج أختي زي ون
مشكوره على التعليق: )

Shaima'a Alkandari said...

الجرح مايلتئم بسهوله وصعب هالشعور اللى وصفه سالم سيار

دوما جديدك مميز

charisma said...

الله يا سلالام
عجيب الاختيار
كله احساس

والا أنا مثل النهر أبقى نهر .. من تحوسه ترجع تشوفه صفى

وايد حلو هالبيت

تسلم

Dana__23 said...

سالم سيّار شاعري المفضل لأنه كلماته تدخل القلب من الصميم والله ..

حلو الواحد يصفي النيه ويبدي بصفحه بيضه يديده ..

قلبي أنا مثل النهر أبقى نهر .. من تحوسه ترجع تشوفه صفى

بس وين إلي يقدر هالشي ؟؟

معاودة الوصل يعني صفاء النيه ..
مايمنع إني أعطي فرصه أشوف صدق نيتهم فيني ..

الله يصلح جميع المسلمين والمسلمات يارب :)

شكراً عالنقل الحلو يا يوسف :)

سالفة قلب said...

نقل متميز

فيني والله احساس لا منه ظهر .. يشعل ضلوعك اذا قلبك طفى
___________________________
وكل ماطفيتك ..تشتعل فيني

شكرا على هالبوست الرائع

U_SF said...

Shaima'a Alkandari
بس في ناس جروحها تلتئم بسهوله ^_^

هذا آنا صفحه بيضه في كتاب والعمر لو رااااح أبقى هذا أنا : )

أشكرج على تعليقج : )

ومرورج المميّز يا شيماء



charisma

الله يسلمج .. وحياج الله ^_^

Dana__23
فعلاً سالم سيّار كلماته تخترق القلب
مشالله عليه كلماته تنبع من انسان كله احساس الله يعطيه العافيه ويوفقه : )

مو شرط أحد يقدّر .. سو خير وقطه بحر

واللي قلبه صافي ابطبعه .. ما ينتظر تقدير الناس لهذا القلب .. تدرين ليش ؟ لأنه يحس ابلذّه لما يلتمس شفافية قلبه من كلام الناس وردود أفعالهم ^_^

اللهم آمين

والعفو : )

لا حرمنا من مرورج يا دانه : )



سالفة قلب
أشكرج أختي على مرورج المميّز

العفو .. مجرّد نقل : )

magnoonah said...

سالم سيار ما عليه كلام شعلة مشاعر


واختيارك لهالقصيده دليل على احساسك فيها

ترى كان اختيار ممتاز لانه فعلا الجروح ما تلتئم بسهوله خصوصا لو كانت من انسان يساوي بقيمته الروح


اتمنى انك تحاول تعبر عن نفسك بكلماتك ولو كانت بسيطه على الاقل بتعرفنا عليك


تحياتي

U_SF said...

magnoonah

يا حياج الله بمدونتي المتواضعه اختي الفاضله ^_^

مممم انشالله بحاول بس ما أوعدج : )

جنون إحساس said...

نقلك مميز بس تمنيت لمسة إضافيه منك
:) كلمات تدخل القلب بدون حواجز تعيقها,
وفعلاً ماكو أجمل من إنا نبدى بصفحة يديدة وننسى الجروح اللي فاتت

تسلم
:)

U_SF said...

جنون إحساس

الله يعطيج العافيه وشكراً على مرورج ^_^

انشالله بتقرين بالمستقبل سطور من وحي قلمي : )

الله يسلمج ..

vancouver said...

شكرا انك شاركتنا
هالابيات الرائعة




:) اختيااااااااار جميل

U_SF said...

vancouver

العفو اختي : )

وحياج الله ^_^

Q8DOLL said...

اختيار رائع
السيار احساسه حلو
ويزين الكلام بقوه تعبير وعذوبه
أشكرك على تعليقك ومرورك
واللي عرفني على مدونتك
تحياتي

U_SF said...

Q8DOLL

العفو ^_^

لي الشرف بأني تعرفت على مدونتچ
مشكوره عالمرور والتعليق
وحياچ الله :-)

I am Cappuccino