يا نويَّ الصّد

ياللي نويت الصّد وفقلبك محبـــــــــــه . . . عزاي اليــــــــــــــــــوم وينك حبيبـــــــي

تنوي الهجر وف دم قلبي تبثـــــــــــــه . . . وتتركني لطعون الليل ودموعي طبيبـي

اسهرت فكري لك وجفني لك سهرته . . . قعدت أنوّم القمره بسراجٍ عليلــــــــــــي

انـــت اللي نويت الصّد وانت اللي تودّه . . . وانا مــــا بين يديك وشورك رهينـــــــــي

يامن حبست أنفاس صدري كم تحــدّه . . . تبيه يوم والا شهر أو كل سنينـــــــــــي

أنــــــــــــــــا لك حـــــبٍ وعشق ومودّه . . . وانت اللي تبعت ارضاك وعيّنت خــــيري

انـــــــــــــــــــت اطلـــــب وقول وتمنّى . . . لا عاش من يوقف عثرةٍ في طريقــــــي

أصير لك شراعٍ وانت اللـــــــــــي تهدّه . . . وقلبي لك سمّر على موجٍ وقــــــــيدي

أكـــــــتب لــــــك مزونٍ من شعرٍ تمدّه . . . وأروي عطش ليلي واشفي غليلـــــــي

عجــــــــــين ايدك وخبز لجوعك تـسدّه . . . لجوع نفسك ومن نفسك تجينــــــــــــي

حبيبي قـــول .. آمر .. كلّي لك سندته . . . العقل والروح وهم ملكك يمينــــــــــــي

انـــــــا لك يا نويّ الصّد وحزنك قسمتـه . . . على ضلوع صدري وغصّات الحنينــــــي

............................................................

من دم قلمي

بقلم : يوسف الحقان