Monday, September 17, 2007

تشريبه .. مو بخبز نان ;pPp~




الأبيات اهداء لمحبي التشريبه .. أو الثريد سواء بالكويت أو خارجها
يقول

صب المرق على رقاقة خبز مطــــــحون . . . وحط اللحم بعد ما ينضى البطاط وسدّه
لا تنسى القرع وأنصاص الجزر والثوم . . . وبعد هاللي قلته أدري السعابيل بتهدّه
أقول انطر المذّن .. ياولد صـــــــــــوم . . . لا تفتح غطا التشريبه خلها حارّه ومْوَقده
قالو المرق لابرد مامنه رجى وطعووم . . . وخبز الثريده لا نشف ما تطيقه المعده
أقول اسمع يا ولد هذا الأذان يقوم . . . بل أول افطر بتمره وتالي نوّخ القعده
بس انطر يا خوي .. انت ما سمعت بالعوم؟ . . . دسّة ايدينك بالثريد الحار يحرق الجلده
هي نفس لسعه اللي قلت لك عنها عوووم . . . بس انتبه .. لو كانت ثريدتك من بحر جدّه
حط بالك من الشوك ولا تغصّبها البلعــوم . . . وتلاحقها بتمره لا وصل نفسك حدّه
ماني مكثّر حجي ولا شعـــــــــر مذموم . . . سمّ بالله وقول يا عساها تدوم هالمَدّه
........................................................
ملاحظه : العوم سمكه لها شوكه اذا قزّتك راح اتحس جنّك داعس ايدك بمّوّش مريس توّه ناجبينه ;pPp~
بقلم : يوسف الحقان

I am Cappuccino