Tuesday, August 5, 2008

تغاريدي




اذا طيري غدى عندك وبغصانك بنى عشّه . . .  وتراقص ذيله قبالك يحاول يغري من دشّه

تمعّن فيه لأجل عينه تمعن ناظر العشّه   . . .  اذا كانت لك صغيره بوجودك توسع الفَرشَه

اذا غرّد لك أنغامه وسمعت الزين من حسّه  . . . تأكد ما بكى وغرّد لصبحٍ طالبٍ رزقه

تأكد غرّد لعينك يشوف ارضاك  لو حتّى  . . .  طلب تسكن جواره دووم وتترك ديره لوقته

ترى قلبي وحيد ولا سكن فيه حدٍ ندّه   . . .   ولا قرر يغرّد حيل لأجل شخصٍ سهى عنه

تعوّد طيري لو غنّى يبي احدٍ يلد يمّه  . . .  يبي من يسكن ضلوعه يهنّي وحدته بوقته

يبي حبٍ يعيشه دوم الى آخر نفس سدّه  . . . الى موتٍ بيجمعهم فشق صيّاد اذا شتّى

واذا برد الشّتى قرر يطفّي كل دفى بنبته  . . .  وجفف كل خضار العود وبوراق النخل حتى

تعال انجمّع المقسوم ونبيني منها القعده  . . . اببنيها على ذوقك اذا تغريدي صدّقته

واذا ما للبكى مسموع فملحاني جرح خدّه  . . .  واذا عيّا يشيل الدّود عرفت انه نقض عهده

اذا طيري طوى فرشه وترك داره بعد مدّه  . . .  بتعرف ان لقى غيرك وبدل ريشه لعشّه


...................

بقلم : يوسف الحقان

13 comments:

DaloOol said...

صح لسانك

مادري شكتب ولا أقول غير تسلم ايدك


عجبني هالبيت :

اذا طيري طوى فرشه وترك داره بعد مدّه . . . بتعرف ان لقى غيرك وبدل ريشه لعشّه


لا تحرمنا من هالكتابات الحلوة


يعطيك العافية

Mamloo7a Q8ia said...

تسلم يا خوي على هالكلمات الروعه
جميله الكلمات والمعاني والاحاسيس
مشكور واااايد

U_SF said...

daloool
صح بدنج والله يسلمج

انشالله .. الله يعافيج

شكراً عالزياره اختي : )




mamloo7a q8ia
هلا بمملوحه .. الله يسلمج

جميل هو مرورج .. لا حرمنا منه انشالله

العفو : )

qesat_5ayal said...

غردت مع أبياتك

وطرت بين معانيها

جميلة وراقية
تسلم يوسف

Shaima'a Alkandari said...

اهليييييييييييين
انت وينك ياخوي

على العموم الحمدلله على السلامه
تغيب عنا وتهل بشي يديد مافي احلى منه
لأ امبلا يمكن في القادم على مااعتقد

اليوم على صوت التغاريد طرت ووصلت لمرسى جميل ضمته كلماتك الاكثر من حلوه

U_SF said...

qesat_5ayal

شخصج الراقي يختي .. مشكوره عالتعليق الجميل

والله يسلمج : )




shaima'a alkandari

هلا فيج شيماء .. موجود في قلوب أحبابي ^_^

الله يسلمج وياعفيج

شكراً على الكلام الحلو .. رفع معنواياتي = )

Kuw Son said...

صح لسانك :)

غرد

U_SF said...

صح بدنك بو دلّوول : )

Najmah said...

تعوّد طيري لو غنّى يبي احدٍ يلد يمّه . . . يبي من يسكن ضلوعه يهنّي وحدته بوقته

يبي حبٍ يعيشه دوم الى آخر نفس سدّه . . . الى موتٍ بيجمعهم فشق صيّاد اذا شتّى

الله
ماشاءالله

استمتعت جدا
والصورة روووعة

تسلم ايدك يوسف :)

reema said...

تعوّد طيري لو غنّى يبي احدٍ يلد يمّه . . . يبي من يسكن ضلوعه يهنّي وحدته بوقته

اذا طيري طوى فرشه وترك داره بعد مدّه . . . بتعرف ان لقى غيرك وبدل ريشه لعشّه


شنو هالإبدااع يا أخ يوسف
والله ما تخيلت فوق ابداع التصوير طلعت شاعر
ماشاء الله تبارك الله

وتوني أكتشف المدونه
وننطر ابداع أكثر

U_SF said...

najmah

انشالله دايم تكونين في متعه .. الله يسلمج = )




reema

أشكرج جداً اختي ريما على كلامج الطيب ..

وتو ما نوّرت المدونه .. وانشالله نكون عند حسن ذوقكم

تحياتي لج

charisma said...

مباارك علييك الشهر يوسف
:)

من عوااده ان شاءالله

U_SF said...

charisma

علينا وعليج انشالله .. وانتي بعد عساج من العايدين ^_^

I am Cappuccino